Numer y dimenscion di files audio dles does sezions dl atlant (ALD-I e ALD-II) y dl «Atlant sonour» (ALD-I)
Coche descrit, é dutes les intervistes che é vegnudes fates tratant les does pertes dl atlant vegnudes toutes su deplen sun veta. La cuantité de dac é bendebot grana, coche la tabela dessot desmostra.
| Pert dl ALD | Σ files | Dimenscion (GB) | Dureda (h:min:sec) |
|---|---|---|---|
| ALD-I | 24.221 (mp3) | 87 | 1076:41:29 |
| ALD-II | 71.629 (mp3) | 137 | 521:23:02 |
| Atlant sonour | 29.740 (wav) | 1.02 | 6:31:36 |
La dureda dles intervistes per l ALD-I é plu dl dopl de chela per l ALD-II. La rajon é che per l ALD-I él te vigni pont de enrescida vegnù intervisté does persones, y perchel él vegnù fat no demé 217, ma ben 434 intervistes.
L numer y les dimenscions cotant plu gragn di files audio dl ALD-II pò endere vegnì splighé da una na pert con la strutura linguistica plu complessa di dac y da l’autra pert da sia elaborazion informatica plu menuda aldò di standards plu nuefs.
Endut él vegnù tout su con nosc informadours ti agn 1985-1992 (per l ALD-I) y 2001-2007 (per l ALD-II) prest 1.600 ores de intervistes.
La dorada do rata curta dles registrazions per l «Atlant sonour» depenn da la prozedura dassen standardiseda de chestes intervistes (che é vegnudes fates demé ti 21 ponc de enrescida ladins brissino-tiroleisc dl ALD).