Trascrizionar
Ai amanc de trascrizions particolarmenter “avisa” ti pitonse tl cheder de chest “Atlant sonour” n trascrizionar. Al se trata de listes bele enjignedes ca cun deplù tabeles, te cheles che al é da una na pert [a man ciancia] porté ite les trascrizions publichedes tl ALD-I (tla varianta de scritura fonetica ALD-Standard). Da l’autra pert (a man dreta) él na lerch vueta, grana assé per porté ite na trascrizion nueva, che vegn rateda mioura o plu dreta dal anuzadour.
Chestes listes bele enjignedes ca é a desposizion te does verscions:
- ordinedes do les 806 domandes (o miec: respostes) dl chestionar dl ALD-I (“Trascrizionar aldò di stimuli”)
- ordinedes do i 21 paisc dla Ladinia (“Trascrizionar aldò di paisc”).
L Atlant linguistich sonour pieta la poscibelté da ascouté na resposta tanc de iadi che an vuel y te spanes temp che l anuzadour pó definì avisa. Les does verscions nominedes dessoura tegn ence cont la repartizion te volums dl ALD-I y la respidleia.